وضو کا بیان

اور اگر اتنی آواز سے ہنسنا کہ خود اس نے سنا، پاس والوں نے نہ سنا تو وضو نہیں جائے گا نماز جاتی رہے گی اور اگر مسکرایہ کہ دانت نکلے اور آوازبالکل نہیں نکلی تو اس سے نہ نماز جائے نہ وضو ٹوٹے گا۔
سوال نمبر 22: پھنسی سے کپڑے پر دھبہ پڑ جائے تو پاک ہے یا نہیں؟
جواب :خارش یا پھڑیوں میں جب کہ بہنے والی رطوبت خون پیپ وغیرہ نہ ہو بلکہ صرف چپک ہو تو کپڑا اس سے بار بار چھو کر اگرچہ کتنا ہی سن (گیلا ہو) جائے ، پاک ہے۔ مگر دھو ڈالنا بہتر ہے۔
سوال نمبر 23: شک سے وضو ٹوٹتا ہے یا نہیں؟
جواب :جو باوضو تھا اب اسے شک ہے کہ وضو ہے یا ٹوٹ گیا تو وضو کرنے کی اسے ضرورت نہیں، ہاں کر لینا بہتر ہے اور اگر و سوسہ ہے تو اسے ہر گز نہ مانے یہ شیطان لعین کا دھوکہ ہے۔